सोलापूर: उच्च शिक्षणाची स्वप्ने पाहणाऱ्या मात्र आर्थिक अडचणींमुळे मागे पडणाऱ्या ग्रामीण तरुणांसाठी लोकमंगल शिक्षण प्रसारक मंडळाचे स्पर्धा परीक्षा केंद्र मार्गदर्शक दीपस्तंभ ठरत आहे.
या केंद्रामध्ये मोफत वाय-फाय, ५,००० हून अधिक संदर्भ ग्रंथ, वातानुकूलित अभ्यासिका आणि ऑनलाईन टेस्ट सिरीजची सुविधा उपलब्ध करून देण्यात आली आहे. दर रविवारी यशस्वी सनदी अधिकारी आणि प्राध्यापकांची विशेष कार्यशाळा आयोजित केली जाते.
गेल्या वर्षात या केंद्रातील ४० हून अधिक विद्यार्थ्यांनी शासकीय सेवा आणि पोलीस दलात यश संपादन करून लोकमंगलच्या शैक्षणिक सेवेचे चीज केले आहे.