सोलापूर: शेतीतील उत्पादन खर्च कमी करून बळीराजाचे उत्पन्न दुप्पट करण्याच्या उद्देशाने लोकमंगल समूहाच्या वतीने भव्य कृषी व ऊस उत्पादक शेतकरी मार्गदर्शन मेळावा आयोजित करण्यात आला. या मेळाव्यात सोलापूर आणि आसपासच्या परिसरातील हजारो शेतकऱ्यांनी हजेरी लावली.
वसंतदादा शुगर इन्स्टिट्यूट (VSI) आणि महात्मा फुले कृषी विद्यापीठातील तज्ज्ञ शास्त्रज्ञांनी उसाच्या सुधारित जाती, बेणे प्रक्रिया, ठिबक सिंचनातून विद्राव्य खतांचे व्यवस्थापन आणि कीड नियंत्रणावर प्रात्यक्षिकांसह मार्गदर्शन केले. लोकमंगल समूहाकडून आधुनिक कृषी अवजारांचे प्रदर्शनही भरवण्यात आले होते.
यावेळी शेतकऱ्यांना मार्गदर्शन करताना सांगण्यात आले की, कमी पाण्यात जास्तीत जास्त दर्जेदार उत्पादन घेणे ही आजची गरज आहे. लोकमंगलच्या वतीने शेतकऱ्यांना सुलभ हप्त्यांवर ठिबक संच आणि दर्जेदार सेंद्रिय खते उपलब्ध करून दिली जात आहेत.