सोलापूर: ग्रामीण भागातील महिलांना स्वतःच्या पायावर उभे करण्यासाठी आणि त्यांच्या कौशल्याला योग्य मोबदला मिळवून देण्यासाठी लोकमंगल फाऊंडेशनच्या वतीने चार दिवसीय 'लोकमंगल उद्योगिनी प्रदर्शन व विक्री मेळावा' आयोजित करण्यात आला.
या प्रदर्शनात सोलापूर जिल्ह्यातील बचत गटांनी तयार केलेले हातमाग कापड, पारंपरिक खाद्यपदार्थ, सेंद्रिय मसाले, हस्तकलेच्या शोभेच्या वस्तू आणि गृहोपयोगी साहित्यांचे १०० हून अधिक स्टॉल्स उभारण्यात आले होते. सोलापूरकरांनी प्रदर्शनाला उत्स्फूर्त प्रतिसाद देत लाखो रुपयांची खरेदी केली.
लोकमंगल बँकेच्या सहकार्याने इच्छुक महिलांना स्वतःचा लघुउद्योग सुरू करण्यासाठी सुलभ वित्तपुरवठा आणि डिजिटल मार्केटिंगचे मोफत प्रशिक्षणही यावेळी देण्यात आले.